Umiatsiaaqqanut tapiissut

Inuutissarsiutigalugu aalisartuuguvit, imaluunniit piniartuuguit una periarfissaqarfigaat.

Piumasaqaatit:Inuussutissarsiutigalugu umiatsiaararsortunut umiatsiaarartaaniarnermi tapiissutinik qinnuteqalernermi piumasaqaatit ukuupput:

  • Piniartuunissat, aalisartuunissat imaluunniit Kalaallit Nunaanni najungarisami aalisartuunissaq.
  • 18-it 65-llu akornanni ukioqarnissaq.
  • Ukiuni kingullerni marlunni Inuussutissarsiutigalugu aalisartuusimanissat imaluunniit piniartuusimanissat
  • Umiatsiaaraq annerpaamik 6 meteriussaaq, tapiissuteqarfigineqarsinnaasutullu akuerineqarsimassaaq.

Qaanaap eqqaami Tunumi imaluunniit Kommuni Kujallermi najugaqaruit umiatsiaaqqap akiata 84%-ia tapiissutigineqartarpoq. Kalaallit Nunaata sinnerani umiatsiaaqqap akiata 75%-ia  tapiissutigineqartarluni.

qinnuteqarnermi immersugassaq uvani aajuk.

qinnuteqaaternut makku ilanngullugut nassiunneqassapput:

  • pisiffissamit  neqeroorut
  • ukiuni kingullerni aningaasatigut isertat nalunaarsorneri
  • aalisarsinnaanermut piniarsinnaanermulluunniit allagartaq
  • aalisartut piniartullu peqatigiiffiannit tapersiut 

qinnuteqaat uunga nassiunneqassaaq: esu@nanoq.gl 

umiatsiaaqqamut qinnuteqarnermi makku ilanngunneqarsinnaapput: iputit, kisaq, overlevelsesdragt, GPS, VHF, motor max 115HK, qummoroortartut, allunaasallu.

Komuunerisavit allaffiani inuttaasunut sullissivimmi qinnuteqaativit immersornissaanik ikiorneqarsinnaavutit.  Aamma AAPISI attavigisinnaavat. Qinnuteqaatit esu@nanoq.gl -mut nassiutissavat.

 

Ukiup qanoq ilinerani tapiisoqartarpa?

Ukiup aningaasaliiffiup aallartinneqarnerani qaammatini pingasuni siullermi qinnuteqaatit tigoorarneqassapput, ukiullu qaammataasa sisamaanni aprilimi Naalakkersuisoqarfimmi sulisunit qinnuteqaatit suliarineqarlutik ingerlanneqassapput.

Nassitsivissaq:

Qulaani piumasaqaatit naammassineqarsimappata qinnuteqaat uunga nassiunneqassaaq:

esu@nanoq.gl 

Paatsuungassuteqassaguit AAPISI/KONFIFA attavigiuk tlf. 228535 

Inatsik toqqammavik:

Uterit