Aalisartunut

Sinerissap qanittuani inussutissarsiutigalugu aalisartunngussaguit suut piumasaqaataappat?

Aaalisarsinnaanermut akuersissutit pisassiissutillu pillugit Namminersorlutik Oqartussat nalunaarutaat nr. 74, 28. Novemberi 2023 § 22-mi, 23-mi aamma 24-mi piumasaqaatit allassimapput,  pingaarnertullu makkua taaneqarsinnaallutik.

  • 18-nik ukioqalereersimassaatit, Kalaallit Nunaannullu akileraartussaatitaallutit.
  • Imarsiornermi aalisarnermik ilinniarsimaneq imaluunniit allatigut assingusumik piginnaasaqarneq, amma
  • Pigineqassapput angallat kiisalu aalisarnermi atugarineqartussat.

Assigusumik piginnaasaqarnissamut piumasaqaatip naammassisimaneranut qinnuteqartoq pillugu oqaaseqaatinik uppernarsaataasunik ukunannga qinnuteqarnermi ilanngussisoqassaaq:

  1. Kommunimit najukkamit
  2. Najukkami aalisarnermut piniarnermullu peqatigiifimmit
  3. Inuup qinnuteqartut aalisaqatigisimasaanit, imaluunniit
  4. Maanna sulisitsisumit siusinnersuukkulluunniit sulitsisuusimasumit.

Qinnuteqartoq inuussutissarsiutigalugu piniarnermut imaluunniit inuussutissarsiutigalugu aalisarnermut akuersissutaateqarpat siornatigulluunniit akuersissutaateqarsimappat qinnuteqartup assingusunik piginnaasaqarneranik nalilersuinermi tamanna ilaassaaq.

Aalisarsinnaanermut akuersissutit pillugit Namminersorlutik Oqartussat Nalunaarutaat tamakkerlugu una link atorlugu atuarneqarsinnaavoq.

Uani

Pisat qallorneqartut kingulliit uvani takukkit

Aalisakkat killilersukkat: