Aallarteqqinnissamut tapiiffigineqarnissamut qinnuteqaat
Aallarteqqinnissamut tapiissutinut Inatsik allanngortinneqarpoq ugguuna:
Inussutissarsiutigalugu aalisartut, inussutissarsitutigalugu piniartut inussutissarsiutigalugulu nunalerinermik ingerlataqartut aallarteqqinnissamut tapiiffigineqartarnerat pillugu inatsisartut inatsisaata allanngortinnera pillugu inatsisartut inatsisaat nr. 25. Novemberip 25-ani 2024
Kikkut tapiiffigineqarsinnaappat:
- Inussutissarsiutigalugu aalisartunut, inussutissarsiutigalugu piniartunut, inussutissarsiutigalugulu nunalerinermik ingerlataqartunut pigisat ajoqusernerini, imaluunniit ukuninnga peqquteqartumik inussutissarsiutiminnut tunngatillugu annaasaqarsimasunut Naalakkersuisut aallarteqqinnissamu tapiisuteqasinnaapput:
- Atortut ajoquserneri uppernarsarneqarsinnaappata
- Inuussutissarsiummut tunngasut atortut tammarsimappata
- Uppernarsarneqarsinnaasumik ilungersunartumik napparsimasoqarnerani atortut ajoqusersimappata.
- Inuussutissarsiornikkut nalinginnaasumi assigisaanilluunniit akornusertoqarsimappat. (uvani pineqarluni ajunaarnersuartut ittumik pisoqarnerani isertitat annikillippata)
Aallarteqqinnissamut tapiiffigineqarnissamik qinnuteqarniaruit, qinnuteqarnermi immersuiffissaq immersussavat. Qinnuteqaatit Aalisarnermut Piniarnermullu Naalakkersuisoqarfimmut nassiunneqassaaq. esu@nanoq.gl
Aallarteqqinnissamut tapiiffigineqarnissamut qinnuteqarnissamut immersuiffissaq
Kommunerisanni innuttaasunik sullissivimmi qinnuteqaativit immersornissaanut ikiorneqarsinnaavutit. Aammattaaq ikiorneqarnissamut Aalisarnermut Piniarnermullu Naalakkersuisoqarfimmut aammattaaq KONFIFA-mut attaveqarsinnaavutit
qaqugukkut aallarteqqinnissamut tapiisoqarsinnaava?
- Nammineerluni, pisortalluunniit sillimmasiisarfiatigut atortut sillimmaserneqarsi-manngippata.
- Annaasaqarnerup nalaaniit ukiut pingasut siuliini agguaqatigiisillugit 250.000,00 koruunik appasinnerusunilluunniit isertitaqarsimaguit, aammalu ukiuni taakkunani pingasuni pigisat nalillit agguaqatigiisillugit 100.000,00 koruunik appasinnersunillunniit nalilinnik pigisaqaruit.
- Qinnuteqaat kingusinnerpaamik nassiunneqareersimassaaq, annaasaqarnermiit, imaluunniit ajutoornermiit qaammatisiutit ullui 30-it qaangiutsinnagit.
- Naalakkersuisut piumasaqarsinnaapput, Naalakkersuisunit piffissaliussap aalajangersimasup iluani, tapiisuutit qanoq sumullu atorneqarsimanerinut nassuiaammik.
- Aallateqqinnissamut tapiissutinik qinnuteqaqqittoqarsinnaavoq, tapiiffigineqareernermiit ukiut pingasut aatsaat qaangiunnerini.
- Tapiissutissat tunniutinnginnerini soqoqutigisaqatigiit kattuffiat susassaqartoq tusarniaavigineqartassapput.
Qinnuteqarnerni ilanngutissavat:
- Ukiuni kingulliit pingasuni isertitat allangartai
- Aalisartut Piniartullu inuussutissarsiuteqarnerit uppernarsaatit
- Pisiffissaminngaanniit neqeroorusiaq
- Aallarteqqinnissamut tapiiffigineqarnissamik aningaasat qanoq amerlatigisumik taperneqarusunnerlutit.
- Pigisat qanoq ajutoorutigisimanerinut nassuiaasersuut.
Malugiuk; Aallarteqqinnissamut tapiissutit ataasiaannarluni ikiorsiissutigineqartarmata, 2.000,00 – 50.000,00 koruuninik.
Qinnuteqarnissamut immersugassaq pillugu kommunerisanni sullissivimmi ikiorneqarsinnaavutit. Aamma Aalisarnermut Piniarnermullu Naalakkersuisoqarfik, imaluunniit AAPISI attavigisinnaavatit, ikiorneqarnissat pillugu.
Tapiissutit
Inuussutissarsiutitigut tapiissutinik qinnuteqarniaruit, qinnuteqaatit Aalisarnermut Piniarnermullu Naalakkersuisoqarfimmut nassiutissavat. esu@nanoq.gl
Aallateqqiniisamut tapiissutit pillugit Inatsisartut Inatsisaat nr. 57, novemberip 25-ani 2024-meersoq tamakkiisoq uvani atuarsinnaavat:
kiisalu aallarteqqinnissamut tapiisarneq pillugu Inatsisartut nalunaarutaat nr. 20, februarit 28-ani 2025 atuutilersoq uani atuaruk