Ajunaarnersuartut ittumik tassanngaannaq pisoqartillugu ikiorsiissutinik qinnuteqaat
Qinnuteqarnissamut ilitsersuut.
Ataatsimut isigalugu
Ajunaarnersuaqarneranut atatillugu aningaasaateqarfiup siunertaraa, nunarsuarmi silap pissusaata
allanngorarnera pissutigalugu aalisartut, piniartut kiisalu nunalerinermik inuussutissarsiuteqartut piffissami
sivikitsumi imaluunniit annertuumik isertitaqarnissaminnut periarfissaaruttunut ikiuigasuarnissaq.
Piumasaqaatit
Ajunaarnersuaqarneranut atatillugu aningaasaateqarfimmit tapiisoqartarsinnaavoq ima pisoqartillugu:
- Ajunaarnersuaqarneranut atasumik inuussutissarsiornermi isertitassatit annaagukkit.
- Naalakkersuisut kisimik Aningaasaqarnermut Akileraartarnermullu ataatsimiititaliap
akuersineratigut, tusagassiuutit aqqutigalugit nalunaarutigisinnaavaat, ajunaarnersuarmut assigusumik pisoqarsimasoq.
- Aalisartuussaatit, piniartuullutit, imaluunniit nunalerinermik inuussutissarsiuteqarlutit.
- Inuussutissarsiutigalugu suliffigisat ajunaarnersuarmik pisoqarfimmiissalluni.
- Sillimmasiisarfivit tamanna matussusersinnaanngippagu.
- Allatigut kommunini aamma Namminersorlutik oqartussani tapiissarnerit allat periarfissiinngippata.
Akigititat
Aningaasaateqarfik 1 mio. kr-nik imaqarpoq taakkualu ajunaarnersuaqartillugu kiisalu aningaasaateqarfiup
imaarunnissaata tungaanut ingerlaavartunik agguaanneqartassapput.
Tapiissutit annertussusissaat, Inuttut qinnuteqaatit aamma pisut ataasiakkaat aallaavigalugit aalajangerneqartassaaq.
Qinnuteqarneq
Ajunaarnersuarmut atatillugu qinnuteqaasiussaguit, qinnuteqarnissamut immersugassaq immersussuat.
Qinnuteqaat esu@nanoq.gl, Piniarnermut Aalisarnermullu Naalakkersuisoqarfimmut ESU-p immikkoortortaqarfianut nassiunneqassaaq.
Qinnuteqarnermi immersugassaq sumiiffigisanni sullissivimmi pisinnaavat, aamma Aalisarnermut Piniarnermullu Naalakkersuisoqarfimmi imaluunniit Savaatillit Peqatigiit Suleqatigiissuni (SPS)
Ilitsersuut tamarmiusoq ugguuna takujuk.